தென்னிந்திய திரைப்பட இயக்குநர் பாரதிராஜாவின் உடல்நிலை பாதிக்கப்பட்டிருந்ததாக தகவல்கள் வெளியாகி இருந்தன.
இந்நிலையில் தற்போது இயக்குநர் பாரதிராஜாவின் உடல்நிலையில் முன்னேற்றம் ஏற்பட்டுள்ளதாகவும், அவர் தீவிர சிகிச்சை பிரிவில் மருத்துவ வல்லுநர்களால் கண்காணிப்பட்டு வருவதாகவும், அவர் சிகிச்சை பெற்று வரும் மருத்துவமனை அறிக்கை வெளியிட்டுள்ளது.
இயக்குநர் பாரதிராஜாவுக்கு கடந்த சில நாட்களுக்கு முன்பு திடீரென உடல் நலக்குறைவு ஏற்பட்டுள்ளது.
இதனையடுத்து சென்னை தி.நகரில் உள்ள தனியார் மருத்துவமனையில் அனுமதிக்கப்பட்டு சிகிச்சை பெற்று வந்தார்.
பின்னர், குடும்பத்தினர் ஆலோசனைப்படி சென்னை அமைந்தகரையில் உள்ள தனியார் மருத்துவமனைக்கு இயக்குநர் பாரதிராஜா மாற்றப்பட்டுள்ளார். அங்கு அவருக்கு மருத்துவர்கள் சிகிச்சை அளித்து வருகின்றனர்.